https://armmp3.do.am/publ/ Каталог статей Thu, 03 Dec 2009 03:34:40 GMT uCoz Web-Service <!--IMG1--><img style="margin:0;padding:0;border:0;" src="http://armmp3.do.am/_pu/0/68340616.jpg" align="" /><!--IMG1--><BR>Անուրախ ու զրկանքներով լի էր Կոմիտասի մանկությունը: Նա կորցրեց մորը, երբ չկար նույնիսկ մեկ տարեկան: Հոր զբաղվածության պատճառով երեխայի խնամքն իր վրա վերցրեց տատը: Յոթ տարեկանում Կոմիտասն ընդունվեց տեղի չորսդասյան դպրոցը, որն ավարտելուց հետո հայրը նրան ուղարկեց Բրուսա` ուսումը շարունակելու: Վերջինս Կոմիտասին չհաջողվեց, եւ չորս ամիս անց նա տուն դարձավ բոլորովին որբացած. վախճանվել էր հայրը, իսկ Սողոմոնն ընդամենը 11 տարեկան էր... <BR>«Նա նիհարակազմ, վտիտ ու գունատ տղա էր, միշտ խոհեմ ու բարի: Նա վատ էր հագնվում»,- այսպես էր հիշում Կոմիտասին նրա դասընկերներից մեկը: <BR>Սողոմոնին հաճախ տեսնում էին լվացքատան սառը քարերին քնած: <BR>Նա հիանալի երգում էր, եւ պատահական չէր, որ Կուտինայում նրան անվանում էին «թափառական փոքրիկ երգիչ»: <BR>Իր հիանալի ձայնին էր Սողոմոնը պարտական նաեւ այն իրադարձության համար, որն հիմնովին փոխեց նրա կյանքի ընթացքը: <BR>1881 թվականին Կուտինայի վանահայր Գ.Դերձակյանը պետք է մեկներ Էջմիածին` եպիսկոպոս ձեռնադրվելու: Կաթողիկոսի խնդրանքով նա իր հետ մի ձայնեղ որբ տղա պետք է տաներ` Էջմիածնի հոգեւոր ճեմարանում ուսանելու: Քսան որբ երեխաներից ընտրվեց տասներկուամյա Սողոմոնը: Քանի որ այդ ժամանակ Կուտինայում հայերեն խոսելն արգելված էր, տղան խոսում էր թուրքերեն ու Գեւորգ Դ. կաթողիկոսի ողջույնին պատասխանում է. «Ես հայերեն չեմ խոսում, եթե ուզում եք` կերգեմ»: <BR>Եվ իր գեղեցիկ սոպրանոյով երգում է հայերեն շարական` առանց որեւէ բառ հասկանալու: Բացառիկ ընդունակությունների շնորհիվ Սողոմոնը կարճ ժամանակում հաղթահարում է բոլոր խոչընդոտները, կատարելապես տիրապետում հայերենին: <BR>1890 թվականին Սողոմոնը ձեռնադրվում է սարկավագ: <BR>1893-ին նա ավարտում է ճեմարանը, ապա նրան շնորհվում է աբեղայի աստիճան եւ տրվում 7-րդ դարի նշանավոր բանաստեղծ, շարականների հեղինակ Կոմիտաս կաթողիկոսի անունը: Ճեմարանում Կոմիտասը նշանակվում է երաժշտության ուսուցիչ:<BR> https://armmp3.do.am/publ/komitas/1-1-0-1 Երաժշտական գրականություն https://armmp3.do.am/publ/komitas/1-1-0-1 Thu, 03 Dec 2009 03:34:40 GMT